Өнгөрөгч даваа гарагт трансжендер инфлүүнсер Никита Драгун АНУ-ын Флорида мужийн нутаг дэвсгэр дээрээс баривчлагдаж, эрэгтэйчүүдийн саатуулах өрөөнд хоригдон лхагва гарагт суллагджээ.
Өдгөө 26 настай Никита Драгун нь транс эмэгтэй буюу эр бэлгэ эрхтэнтэй төрсөн, бэлгийн чиг баримжааны хувьд эмэгтэй хүн юм. Гэвч цагдаагийн албаныхан түүнийг эрэгтэйчүүдийн саатуулах өрөөнд хорьсон нь хүйсийн цөөнх хүмүүсийн эгдүүцлийг хүргээд байгаа ажээ.
Харин түүнийг юун учир саатуулах болсон тухайд USA Today сониноос мэдээлснээр Никита Драгун танхайрч, эмх замбараагүй байдал үүсгэн, цагдаагийн биед халдсан гэх хэргээр саатуулагдсан байна. Тодруулбал, тэрээр зочид буудлын өрөөнд дэг журам сахилгүй, бусдын амгалан байдлыг алдагдуулсан бөгөөд зочид буудлын ажилтан шаардлага тавихад түүн рүү ус цацжээ. Тийнхүү зочид буудлын ажилчид цагдаа дуудахад цагдаагийн ажилтны биед усны саваар халдсан байна.
Эх сурвалж: USA Today