Уоррен Баффет 4.6 тэрбум ам.доллароор хэмжигдэх хувьцааг буяны байгууллагуудад хандивлажээ
2023, 6 сарын 23. 18:331

Berkshire Hathaway компанийн ТУЗ-ийн дарга, "Хөрөнгө оруулалтын эцэг”, "Омахагийн мэргэн" гэгддэг Уоррен Баффетт энэ онд 4.64 тэрбум ам.доллароор хэмжигдэх хувьцааг хандивласнаар өнгөрсөн хугацаанд хийсэн нийт хандивын хэмжээ 51 тэрбум ам.доллароос даваад байна.

Дотоодын нийт бүтээгдэхүүний (ДНБ) хэмжээгээрээ дэлхийд 82 дугаарт ордог Тунис улсын жилийн ДНБ нь ойролцоогоор 46.8 тэрбум ам.доллар байдаг гэж тооцвол хэдий хэмжээний мөнгө хандивласан талаарх багцааг үүнээс авч болох юм.

CNBC сувгийн орон нутгийн цагаар 22-ны өдөр мэдээлснээр, Баффет 21-ний өдөр 5 буяны байгууллагад 4.64 тэрбум ам.долларын үнэ бүхий Berkshire Hathaway компанийн эзэмшлийн B ангиллын 13.7 сая ширхэг хувьцааг хандивласан болохыг онцлон тэмдэглэв.

Үүнээс 10.45 сая ширхэг хувьцааг Билл ба Мелинда Гейтсийн санд хандивлажээ. Баффетын Билл ба Мелинда Гейтсийн санд хандивласан Berkshire Hathaway-ийн хувьцаа өнөөг хүртэл 39 тэрбум ам.долларт хүрээд буй юм.

Түүнчлэн тэрээр өөрийн анхны эхнэрийнхээ нэрэмжит Томпсон Баффетийн санд 1.05 сая ширхэг хувьцааг хандивлав.

Баффет 2010 онд Майкрософт компанийг үүсгэн байгуулагч Билл Гейтстэй хамтран чинээлэг хүмүүсийн хандивын амлалтыг татан төвлөрүүлдэг “Giving Pledge” аяныг санаачлан эхлүүлж байжээ. Тэр цагаас хойш жил бүр Berkshire Hathaway компанийнхаа эзэмшдэг хувьцааны тодорхой хэсгийг буяны үйлд хандивладаг болсон билээ.

Хэдийгээр түүний хандивын хэмжээ жил бүр 5 хувиар буурч байгаа ч сүүлийн үед Berkshire Hathaway-ийн хувьцааны үнэ өсөхийн хэрээр хандивын хэмжээ энэ жил түүхэн дээд түвшинд хүрсэн байна.

Энэ жил нас сүүдэр 92 хүрч буй Баффет зөвхөн хувьцааны хөрөнгө оруулалтаар хөрөнгөжсөн билээ. Тэрээр нас барсныхаа дараа өөрийн хөрөнгөний 99 хувийг буяны үйлсэд зориулна хэмээн гэрээсэлсэн байдаг аж.

Эх сурвалж: Fnnews

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 1 сэтгэгдэл
Baagii
64.119.18.195
   /
2023, 6 сарын 23. 19:23

Nadad 300.0 g ni handivlachihgvui l bh da

Онцлох мэдээ
Програм хангамж хөгжүүлэгч Oracle компани Япон дахь дата төвд 8 тэрбум ам.долларын хөрөнгө оруулалт хийнэ
02024-4-20 4:24
Бразил: Нас барсан хамаатныхаа цогцсыг тэргэнцэр дээр суулган банкаар үйлчлүүлж, түүний нэр дээр зээл авахаар завджээ
02024-4-19 18:41
Нигерийн арми арван жилийн өмнө хулгайлагдсан эмэгтэйг 3 хүүхдийн хамтаар аварчээ
02024-4-19 16:33
Meta компани өөрийн аппликейшнуудаар дамжуулан хиймэл оюун ухаан бүхий шинэ туслахаа хэрэглээнд нэвтрүүллээ
02024-4-19 15:34
АНУ: ХНС-ийн бодлогын хүү тодорхойлогчийн зүгээс бодлогын хүүг бууруулахад яарах зүйл байхгүй байгааг сануулжээ
12024-4-19 15:08
Стрийминг үйлчилгээ үзүүлэгч Netflix 2024 он гарсаар 9.3 сая хэрэглэгчээр хүрээгээ тэлжээ
12024-4-19 14:40
Казахстанд үерийн улмаас 634 цооногийн олборлолтыг түр зогсоожээ
12024-4-19 12:12
“Формула-1”-ийн Хятадын Гран При эхэлж байна
12024-4-19 12:08
Израилын тал Иранд цохилт өгчээ
02024-4-19 12:05
НҮБ-д гишүүнээр элсэх Палестины хүсэлтэд АНУ хориг тавив
12024-4-19 11:02