Дэлхийн хамгийн хөгшин сурагч гэж алдаршсан 99 настай Присцилла Ситиенеи төгсөх шалгалтаа өгөхийн өмнөхөн таалал төгсжээ. Түүний ач хүүгийн хэлснээр Присцилла гэртээ энх амгалан амьсгал хураасан гэнэ.
Их Британийн Кени улсыг эзлэн түрэмгийлэх үед өсөж бойжсон тэрбээр хүүхэд ахуй насандаа сургуульд сурах боломжгүй байсан тул нас өндөр болсон ч хамаагүй сургуульд явж байсан юм.
BBC агентлагаас мэдээлснээр Присцилла 65 жилийн турш эмнэлэгт асрагчаар ажилласан бөгөөд зарим тохиолдолд эх барьж авч байсан нь хожим түүнтэй нэг ангид суралцсан байна.
Зургаан зээгийнхээ хамтаар ерөнхий боловсрол эзэмшиж байсан Присциллагийн хувьд сургуульд сурснаар бусдыг уншиж бичиж сурахад үлгэрлэнэ гэж итгэж байсан юм. Түүний зүгээс сургуульд сурахад оройтсон гэж боддог хүмүүст хандан зөвлөхдөө, “Хэрэв би сургуульд явж болж байгаа бол та нар ч гэсэн явах хэрэгтэй” гэдэг байжээ.
Эх сурвалж: UNILAD