Лхагва гарагт ХНС-ийн ерөнхийлөгч Жероми Пауэллийн мэдэгдсэнээр АНУ-ын төв банк энэ сараас эхлэн бодлогын хүүг өсгөх эрчээ сулруулж магадгүй гэжээ.
АНУ-ын төв банкны хувьд инфляцын өсөлттэй тэмцэхээр өнгөрөгч зургаадугаар сараас хойш нийт 4 удаа бодлогын хүүгээ 75 суурь нэгжээр өсгөсөн юм. Тэгвэл ноён Пауэллийн хэлснээр одоо бодлогын хүүг өсгөхөөс илүүтэй өмнөх шийдвэрүүд ямар үр нөлөө үзүүлж байгааг үнэлэх цаг болсон гэнэ.
Түүнийг ийн мэдэгдсэн даруй дэлхий дахинаа хувьцааны зах зээл огцом өсөлтийг үзүүлсэн бол ам.долларын ханш унажээ.
Одоогийн байдлаар ХНС бодлогын хүүгээ 3.8 хувьтай барьж байгаа юм. Энэ нь тус улсын хувьд 2008 оны нэгдүгээр сараас хойш үзэгдээгүй өндөр үзүүлэлт билээ.
Эх сурвалж: BBC