АНУ-ын Сангийн сайд Жанет Йеллен ирэх оны эцэс гэхэд инфляц Холбооны нөөцийн сангийн (ХНС) зорилтот түвшин болох 2 хувьд хүрнэ хэмээн таамаглажээ.

Ройтерс зэрэг гадаадын хэвлэл мэдээллийн хэрэгслүүдийн мэдээлснээр, сангийн сайд Йеллен орон нутгийн цагаар 13-ны өдөр ХНС мөнгөний бодлогын хурлаа хийхийн өмнө CNBC сувагт өгсөн ярилцлагадаа инфляцын түвшин цаг хугацааны явцад тогтмол буурч байгаагаас гадна хөдөлмөрийн зах зээлийн хэт идэвхжил ч ерөнхийдөө намжиж байгаа тул ийнхүү таамаглаж буйгаа цохон тэмдэглэсэн байна.

Тэрээр үргэлжлүүлэн инфляц мэдэгдэхүйц хэмжээгээр буураад байгаа ч ХНС-ын зорилтот түвшинд хүрэх хүртэл дахин хүлээх хэрэгтэй хэмээн онцолжээ.

Түүнчлэн сангийн сайд Жанет Йеллен АНУ-ын эдийн засаг “зөөлөн газардах” төлөвтэй байна хэмээн дахин дурдав.

Эх сурвалж: YTN