Удалгүй 56 нас хүрэх гэж буй япон довтлогч Миура Казуёши Японы J лигт тоглодог Ёкохама клубээс Португалийн хоёрдугаар дивизийн Оливайренс клубт зээлээр тоглох болжээ.
Түүний хувьд өмнө нь Бразил, Япон, Итали, Хорват, Австрали улсуудад тоглож байсан арвин туршлагатай нэгэн юм.
Үйл явдлын хүрээнд Казуёшигийн мэдэгдсэнээр, “Португал гэдэг хэдийгээр миний хувьд шинэ улс ч гэлээ эндэхийн үзэгчдэд өөрийн тоглолтыг үзүүлэхийн тулд би маш их хичээх болно” гэжээ.
Энэ сарын 26-ы өдөр 56 насныхаа төрсөн өдрийг тэмдэглэх тэрээр өмнө нь хэлэхдээ 60 нас хүртлээ зодог тайлах бодолгүй хэмээж байсан юм.
“Хаан Казу” хочит түүний хувьд Япон улсыг төлөөлж нийт 89 удаа талбайд гарахдаа 55 удаа гоол оруулж байжээ.
Эх сурвалж: BBC