Мягмар гарагт “Дэлхийн эрэгтэйчүүдийн эрүүл мэндийн сэтгүүл” гэх сэтгүүлээс нэгэн судалгааг нийтлэн хүргэжээ. Судалгааг Стэнфордын Анагаах ухааны урологич, эрэгтэйчүүдийн нөхөн үржихүйн мэргэжилтэн Доктор Майкл Айсэнберг гэх эрдэмтэн удирдсан байна.
Судалгааны зорилго нь өнгөрөгч 30 жилийн хугацаанд эрэгтэйчүүдийн бэлгэ эрхтэн хэрхэн хувьсан өөрчлөгдсөн болохыг олж тогтоох байсан юм. Тэгвэл судалгааны хүрээнд сүүлийн 30 жилд эрэгтэйчүүдийн бэлгэ эрхтний дундаж хэмжээ 24 хувиар томорсон гэсэн дүгнэлт гарчээ.
Гэвч энэхүү дүгнэлт нь эрэгтэй нөхөн үржихүйн мэргэжилтнүүдийн санааг зовоож байгаа гэнэ. Учир нь тэдний зүгээс эрэгтэйчүүдийн бэлгэ эрхтэн яагаад ийн томорч байгаа шалтгааныг олж мэдээгүй байгаа юм.
Мөн судалгаагаар сүүлийн 30 хугацаанд эр бэлгийн эсийн тоо цөөрч, тестостероны түвшин ч буурч байгааг олж тогтоожээ.
Эрдэмтдийн хувьд эрэгтэйчүүдийн бэлгэ эрхтний хэмжээг 80 жилийн өмнөөс хэмжиж, судалж эхэлсэн байдаг бөгөөд Доктор Айсэнберг энэ сэдвийн хүрээнд 1942 оноос 2021 оны хооронд хийгдсэн нийт 75 судалгааг харьцуулан дүн шинжилгээ хийсэн байна.
Эх сурвалж: USA Today