Пүрэв гарагт Данийн Экстра Бладет сониноос мэдээлснээр тус улсын нийслэл Копенхаген хотод байрладаг “Бяцхан лусын дагина” хөшөөний суурийг Оросын төрийн далбааны өнгөөр будсан хэрэг гарчээ.
Алдарт зохиолч Ханс Кристиан Андерсены зохиолоос сэдэвлэн бүтээсэн тус хөшөөг 1913 онд Данийн барималч Эдвард Эриксэн урлаж байсан юм.
Сонины сурвалжлагчид пүрэв гарагийн өглөө 07:00 цагт тус хорлон сүйтгэсэн хэргийг олон нийтэд мэдээлсэн бөгөөд цагдаад дуудлага өгсөн байна. Харин цагдаагийн газраас мэдэгдсэнээр тэд тус хэргийн тухай сурвалжлагч нарыг мэдэгдэх хүртэл мэдээгүй байсан гэжээ.
Одоогоор хөшөөг хэн гэгч этгээд, ямар шалтгааны улмаас будсан нь тодорхойгүй байгаа ч цагдаагийн газраас хэргийг шалгахаа мэдэгдсэн байна.
Эх сурвалж: ТАСС