Даваа гарагт BBC агентлаг ажилтнууддаа нэгэн зөвлөмж хүргүүлжээ. Энэ нь албан хэрэгцээнд ашигладаг утаснаасаа ТикТок аппликэйшныг устгах юм. Үүний шалтгаан нь тэд ТикТок аппликэйшныг хувь хүний нууц хийгээд аюулгүй байдалд заналхийлдэг гэж үзсэнтэй холбоотой ажээ.

BBC агентлагийн зүгээс ажилтнууддаа ийм зөвлөмжийг хүргүүлснээр Их Британи улсын хэвлэл мэдээллийн салбарт тус зөвлөмжийг хүргүүлсэн анхны байгууллага болсон байна. Харин дэлхийн хэмжээнд BBC агентлагаас өмнө Дани улсын олон нийтийн телевиз ажилтнууддаа ийм зөвлөмжийг хүргүүлж байжээ.

ТикТок платформын зүгээс олон улсын энэ мэт шийдвэр, зөвлөмжийг няцааж, өөрсдийгөө ямар ч буруугүй гэж мэдэгдэж байгаа юм. Гэвч хэд хэдэн орны засгийн газар албан хэрэгцээнд ашигладаг утаснаас ТикТок аппликэйшныг устгах шийдвэр гаргаад амжсан билээ.

Эх сурвалж: BBC