Лхагва гарагт ОХУ-ын шадар сайд Дмитрий Чернышенкогийн мэдэгдсэнээр ОХУ-д үйл ажиллагаа явуулж буй компаниудын гуравны нэг нь аль хэдийн хиймэл оюун ухааныг өөрсдийн өдөр тутмын үйл ажиллагаанд нэвтрүүлэн хэрэглэж буй гэжээ.
Түүний хэлснээр, “Оросын компаниудын гуравны нэг нь аль хэдийнээ хиймэл оюун ухааныг ажил хэргийн хүрээнд хэрэглэдэг болоод байна. Ерөнхийлөгчийн хэлж байснаар хиймэл оюун ухааны технологи нь бүхий л талбарт үр бүтээмжийг нэмэгдүүлэх ашигтай тул үнэхээр чухал юм.
Өгөгдлөөс үзвэл, одоогоор ОХУ дахь хиймэл оюун ухааны хэрэглээ нь нийт 1 их наяд рублийн эдийн засгийн хэмнэлтийг дагуулж байна.
2030 он гэхэд ОХУ-ын бүх мужид хиймэл оюун ухааныг идэвхтэй хэрэглэдэг болсон байх бөгөөд нэн ялангуяа газар төлөвлөлт, эрүүл мэндийн салбар хийгээд нийгмийн халамж, үйлчилгээний салбаруудад өргөнөөр хэрэглэнэ” гэжээ.
Эх сурвалж: ТАСС