Дэлхий дахинаа цагаан будааны үйлдвэрлэл багасаж, 3.5 тэрбум гаруй хүн өндөр үнэтэй цагаан будаа хэрэглэх болжээ.
Үйл явдлын хүрээнд Фитч Сольюшнс санхүү, даатгалын компаниас таамагласнаар энэ онд дэлхий дахинаа сүүлийн 20 жилд тохиогоогүй их хэмжээний цагаан будааны хомсдол үүсэх гэнэ. Улмаар шинжээчдийн зүгээс CNBC сувагт хандан хэлснээр хамгийн их тариалсан үр тариа ийм их алдагдал хүлээх нь импортлогч нарыг ихээр хохирооно гэсэн юм.
Тийнхүү судалгаагаар цагаан будааны үнэ ирэх оныг хүртэл өсөх бөгөөд 2024 онд л буурах гэнэ. Харин тэдний зүгээс цагаан будааны хомсдолын үүсгэл шалтгааныг тайлбарлахдаа Украинд болж буй дайн хийгээд Хятад, Пакистан зэрэг цагаан будаа ихээр нийлүүлэгч орнуудад цаг агаарын нөхцөл байдал тааруу байгаатай холбосон байна. Тайланд дурдсанаар 2022-2023 оны ургац хураалтын хүрээнд нийт 8.7 сая тонн цагаан будааны хомсдол үүснэ гэсэн тооцоо гарчээ.
Эх сурвалж: CNBC