Даваа гарагт Apple компанийн нэгж хувьцааны үнэ 43 жилийн түүхэн дэх дээд амжилтаа давжээ.
Гэвч төдөлгүй тэдний зүгээс Vision Pro холимог реалити төхөөрөмжөө танилцуулснаар хувьцааны үнэ эргэн унасан байна. Учир нь шинэ төхөөрөмжийн үнэ хэрэглэгчид, технологийн хорхойтнуудын төсөөлж байснаас ч үнэтэй байжээ.
Форбес сэтгүүлээс мэдээлснээр даваа гарагийн өглөө тус компанийн нэгж хувьцааны үнэ урьд өдрөөс 2.2 хувиар өсөж, 184.95 ам.долларт хүрсэн юм. Тийн түүхэн дээд үнэлгээндээ хүрэхээс өмнө тэдний нэгж хувьцааны дээд үнэлгээ 182.94 ам.доллар байжээ.
Apple компаниас гаргаж буй шинэ Vision Pro төхөөрөмжийн үнийн хувьд 3,499 ам.доллароос эхэлж байгаа бөгөөд энэ нь хүмүүсийн төсөөлж байснаас даруй 500 орчим ам.доллароор үнэтэй байгаа юм.
Эх сурвалж: BBC