Америкийн ачаа тээврийн Yellow корпорац ням гарагт үйл ажиллагаагаа зогсоожээ. 99 жилийн түүхтэй тус корпорац үүд хаалгаа барьснаар нийт 30,000 хүн ажилгүй болж байгаа юм.
Ачаа тээврийн салбартаа тэргүүлэгч нь байсан тус корпорац өнгөрөгч долоо хоногийн дундаас шинэ тээвэрлэлтийн захиалга авахаа зогсоосон бөгөөд өнгөрөгч долоо хоногийг дуустал зөвхөн системд аль хэдийн бүртгэлтэй байсан тээвэрлэлтүүдийг л хийж гүйцэтгэсэн байна.
CNN сувгаас Yellow корпорацад хандан тайлбар авахыг хүссэн ч тэд мэдэгдэл хийхээс татгалзсан гэнэ. Үйл явдлын хүрээнд мэргэжилтнүүдийн таамаглаж байгаагаар тус корпорац үйл ажиллагаагаа зогсооход нөлөөлсөн гол хүчин зүйл нь өр гэжээ.
Эх сурвалж: CNN