Цахилгаан автомашины салбарт тэргүүлэгч Tesla компанийн өрсөлдөгч BYD зах зээлийн өрсөлдөөнд тэднийг нэхэн ирэх болжээ.
Пүрэв гарагт BBC агентлагаас мэдээлснээр энэ долоо хоногт BYD компанийн нэгж хувьцааны үнэлгээ олон улсын зах зээлд эрчимтэй өсөх болсон байна гэсэн юм. Үүний шалтгаан нь BYD компаниас мэдэгдсэнээр тэдний 2023 оны гуравдугаар улирлын орлого өнгөрөгч оны орлогыг нь даруй 2 дахин нугалж байгаа гэжээ.
Үйлдвэрлэлийн хэмжээг авч үзвэл, BYD компани Tesla компанийг аль хэдийн ардаа орхисон бол олон улс дахь борлуулалтын хэмжээгээр Tesla-ийн араас бичигдэж байгаа юм. Энэ нь Хятадын автомашины салбар хэр хурдацтай өсөж байгааг харуулж буй. БНХАУ-ын хувьд энэ онд автомашин үйлдвэрлэл, борлуулалтаараа дэлхийн хамгийн том экспортлогч Япон улсыг ардаа орхисон бол өдгөө тийнхүү дэлхийд тэргүүлэгч компанитай өрсөлдөх болжээ.
Эх сурвалж: BBC