Мягмар гарагт биткоины ханш өсөж, өнгөрөгч тавдугаар сараас хойш анх удаагаа 28,000 ам.долларыг давжээ.

Биткоины ханшийн хувьд хамгийн сүүлд 28,000 ам.долларыг давсан нь өнгөрөгч тавдугаар сарын наймны өдөр юм. Тус өдрөөс хойш биткоины ханш 28,000 ам.долларыг даваагүй билээ.

Улмаар лхагва гарагийн 19:00 цагийн байдлаар нэгж биткоин 28,829.14 ам.долларын үнэлгээтэй байна.

Криптовалютын зах зээлийн хүрээнд биткоин нь хамгийн өндөр үнэлгээтэй, хамгийн алдартай коин тул түүний ханшийг даган бусад коины ханш ч хэлбэлздэг. Тиймээс биткоины ханш 28,000 ам.долларыг давахад эфериумийн ханш ч мөн адил өсөж, нэг ширхэг эфериум 1,812.71 ам.долларын үнэлгээтэй болжээ. Энэ нь сүүлийн 24 цагийн хугацаанд 4.9 хувиар өссөн үзүүлэлт юм.

Эх сурвалж: Decrypt