Тавдугаар сард Канад улсад инфляцын түвшин буурч 3.4 хувьд хүрснээр эдийн засагчид тус улсын төв банкийг энэ сард бодлогын хүүгээ нэмэхгүй байх гэж таамаглах болжээ.

Мягмар гарагт Канадын Статистикийн албанаас мэдээлснээр өнгөрөгч сард тус улс дахь хэрэглэгчийн үнийн индекс 0.4 хувиар өссөн нь эдийн засагчдын таамгаас 0.1 хувиар бага үзүүлэлттэй гарсан гэнэ.

Канадын Төв банкнаас тооцоолсноор тус улсын инфляц энэ оны дунд үе гэхэд 3 хувьд хүрч тогтворжино гэж байсан юм. Тоон мэдээллийг үзвэл тус улсын инфляцын түвшин төв банкны тооцоотой эн зэрэгцээ яваа ажээ.

Тус улсын төв банкны хувьд инфляцын өсөлттэй тэмцэхээр бодлогын хүүгээ эрчимтэй өсгөж байгаа юм. Улмаар дөрөвдүгээр сард тэд бодлогын хүүгээ 4.75 хувьд хүргэсэн нь сүүлийн 22 жилийн хугацаан дахь хамгийн өндөр үзүүлэлт болсон билээ. Тэгвэл инфляцын бууралттай танилцсан эдийн засагчдын таамаглаж байгаагаар төв банк энэ сард бодлогын хүүгээ нэмэхгүй гэнэ.

Эх сурвалж: The Reuters