Лхагва гарагийн орой Чехийн Гадаад хэргийн сайд Иан Липавскийн мэдэгдсэнээр тус улс Үндэсний хоригийн жагсаалтдаа Оросын бизнесменүүд болох Владимир Евтушенков, Феликс Евтушенков нарыг оруулсан гэжээ.

Түүний хэлснээр, “Засгийн газрын зүгээс дахин хоёр хүнийг хар жагсаалтдаа оруулахаар шийдвэрлэлээ. Тэд бол Владимир Петрович Евтушенков болон Феликс Владимирович Евтушенков юм. Үүгээр ч зогсохгүй бидний зүгээс тэднийг Европын Холбооны хар жагсаалтад оруулахыг зөвлөж байгаа” гэсэн юм.

Чех улсын талаас эцэг, хүү Евтушенковийг хар жагсаалтад оруулах болсон шалтгаан нь бизнес эрхлэгчид Оросын засгийн газарт их хэмжээний орлого оруулсан ажээ.

Эх сурвалж: ТАСС