Фейсбүүк, Инстаграм платформын толгой компани болох Мета энэ долоо хоногийн пүрэв гарагт шинэ платформоо хэрэглээнд нэвтрүүлэхээр төлөвлөжээ. Хэвлэлийнхний мэдээлж байгаагаар тус платформ нь ажиллах горимын хүрээнд Илон Маскийн Твиттер платформтой төстэй юм.
Тийнхүү хэрэглэгчид платформыг хэрэглэхийг хүсвэл Apple App Store дээр урьдчилан захиалах боломжтой байгаа ажээ.
BBC сувгаас мэдээлснээр Мета шинэ платформоо Инстаграмтай холбоно гэсэн юм.
Харин Мета компанийн зүгээс шинэ платформоо “бичвэрт суурилсан харилцах аппликейшн” хэмээн тодорхойлсон байна.
Эх сурвалж: BBC