БНХАУ-ын Гадаад хэргийн сайд Чин Ган сүүлийн гурван долоо хоногийн хугацаанд олны өмнө гаралгүй алга болжээ. Бээжин хотноо дипломат үйл ажиллагаа идэвхтэй үргэлжилж байгаа энэ үед гадаад хэргийн сайд энэ мэтээр урт хугацаагаар алга болсон нь туйлын хачирхалтай үйл явдал юм.
Өдгөө 57 настай Чин Ганы хувьд өнгөрөгч арванхоёрдугаар сард гадаад хэргийн сайдад томилогдож байсан билээ.
CNN сувгаас мэдээлснээр Чин Ган хамгийн сүүлд өнгөрөгч сарын 25-ы өдөр олны өмнө гарсан юм. Түүнээс хойш тэр олны өмнө огт гараагүй бөгөөд Хятадын Гадаад хэргийн яамны үйл ажиллагаа хэвийн үргэлжилж байгаа ажээ.
Улмаар даваа гарагт хэвлэлийнхний зүгээс Хятадын Гадаад хэргийн яамны хэвлэлийн төлөөлөгчөөс ноён Чин Ган хаана байгаа тухай асуухад тэр энэ талаар ямар нэг мэдээлэл өгөхгүй гэсэн байна.
Эх сурвалж: CNN