Лхагва гарагт Шинэ Зеланд улсын Статистикийн газраас өнгөрөгч сарын эдийн засгийн үзүүлэлтүүдээ танилцуулжээ. Улмаар тус улсын өнгөрөгч сарын болон 2023 оны хоёрдугаар улирлын тайлангаас үзэхэд Шинэ Зеланд дахь хэрэглэгчийн үнийн индекс эдийн засагчдын тооцож байсан хувьд хүртэл буурч чадаагүй байна.

Тайлантай танилцвал, энэ оны эхний улиралд тус улс дахь хэрэглэгчийн үнийн индекс 6.7 хувьтай гарсан бол хоёр дахь улиралд 6.0 хувьтай гарсан юм. Харин эдийн засагчдын тооцож байснаар хоёр дахь улиралд тус улс дахь хэрэглэгчийн үнийн индекс 5.9 хувьд хүрэх ёстой байжээ.

Тийнхүү тайлантай танилцсан мэргэжилтнүүдийн зүгээс Шинэ Зеландын Нөөцийн банкийг энэ сард ч бодлогын хүүгээ өсгөнө гэж таамаглах болсон байна.

Эх сурвалж: Stats NZ