АНУ-ын засгийн газар Украинд 1.3 тэрбум ам.долларын үнэ бүхий цэргийн нэмэлт зэвсэг, техник нийлүүлэхээ мэдэгдэв.

Энэ тусламж нь Украины нутаг дэвсгэрийг хамгаалах, Оросын түрэмгийллийг дунд болон урт хугацаанд таслан зогсооход чиглэсэн Украины армийн хүчин чадлыг нэмэгдүүлэх зорилготой гэж Пентагоны зүгээс мэдэгдсэн байна.

Энэ нь өнгөрсөн долоо хоногт Литвад болж өнгөрсөн НАТО-гийн дээд хэмжээний уулзалтын үеэр барууны орнууд Украинд дэмжлэг үзүүлэхээ дахин амласнаас хойших анхны дэмжлэг болж буйгаараа онцлог юм.

Энэхүү дэмжлэгийн хүрээнд “NASAMS”газар-агаар ангиллын дөрвөн пуужингийн систем, 152 миллиметрийн сум, танк эсэргүүцэх “TOW” пуужин зэрэг зэвсэг, техникүүд Украиныг зорих аж.

Эх сурвалж: YTN