Тайванийн хагас дамжуулагч үйлдвэрлэгч TSMC компани Японд 6 нанометр (метрийг тэрбум хуваасны нэг) процесс бүхий хагас дамжуулагч үйлдвэрлэхээр төлөвлөж байгаа талаар Киодо Ньюс агентлаг орон нутгийн цагаар 13-ны өдөр мэдээлэв.

Тус мэдээнд дурдсанаар TSMC компани нь одоогоор Кюшү арлын Кумамото мужид баригдаж байгаа үйлдвэрт 12 нанометр хагас дамжуулагч үйлдвэрлэхээр төлөвлөж байгаа бол удахгүй баригдах хоёр дахь үйлдвэртээ 6 нанометрийн буюу сүүлийн үеийн хагас дамжуулагч үйлдвэрлэх гэж буй талаар онцолжээ.

Tус компани нь Японд баригдах хоёр дахь үйлдвэрээ Кумамото мужид барихаар хэлэлцэж байгаа бөгөөд Японы засгийн газар уг үйлдвэрт 900 тэрбум иенийн татаас олгохоор хэлэлцэж байгаа аж.

Киодо News агентлагийн мэдээлснээр, TSMC-ийн хоёр дахь үйлдвэр нь хамгийн сүүлийн үеийн, дэвшилтэт хагас дамжуулагч үйлдвэрлэхийн тулд Голландын хагас дамжуулагч тоног төхөөрөмжийн компани болох ASML-ийн хэт ягаан туяанд өртөх төхөөрөмжийг нэвтрүүлэх талаар мөн судалж байгаа болохыг дурдсан байна.

Эх сурвалж: Asiae