Пүрэв гарагт АНУ-ын Төв банк болох ХНС-аас FedNow гэх шуурхай төлбөрийн үйлчилгээг хэрэглээнд нэвтрүүлжээ. Тэдний мэдэгдсэнээр уг үйлчилгээ нь аж ахуй нэгжүүд болон ард иргэдэд мөнгөний урсгалыг хурдасгах боломжийг олгон гэсэн юм.
Улмаар шинэ төлбөрийн үйлчилгээгээр дамжуулан хэрэглэгчид төлбөр тооцоог шуурхай барагдуулж, хэтэвч хэлбэрээр ашиглан татвар, шимтгэлээ цаг тухайд нь төлөх боломжтой гэнэ.
CNBC сувгаас мэдээлснээр одоогийн байдлаар тус үйлчилгээг JPMorgan Chase тэргүүтэй 35 банк дэмжин ажиллаж байгаа гэжээ. Үүнээс гадна банк, зээлийн хоршоодод үйлчилгээ үзүүлэх зорилготой 16 институт FedNow үйлчилгээг дэмжин ажиллаж байгаа юм.
Тийнхүү FedNow шуурхай төлбөрийн үйлчилгээ хэрэглээнд нэвтэрсэн ч үйлчилгээний хүрээнд хэд хэдэн асуулт ургаад байгаа гэнэ. Жишээлбэл, FedNow үйлчилгээг ашиглаж байгаа тохиолдолд банкнууд гүйлгээний шимтгэл авах эсэх багтжээ.
Үйл явдлын хүрээнд төв банкнаас мэдээлснээр тэд системийг цаашид ч хөгжүүлэх бөгөөд гар утасны аппликейшнууд болон банк, зээлийн хоршоодын веб хуудастай холбох ажлыг гэсэн юм.
Эх сурвалж: CNBC