Богино бичлэгүүдийг төвлөрүүлдэг TikTok платформ зөвхөн бичвэр нийтлэх зориулалттай талбартай болжээ. TikTok платформын удирдлагаас хэлснээр энэхүү шинэ талбар нь хэрэглэгчдэд өөрсдийгөө илэрхийлэх өөр нэгэн арга замыг санал болгож байгаа гэсэн юм.

Ингэснээр тус платформ бидний нэрлэж заншсанаар Twitter буюу X, Facebook, Threads аппликейшнуудтай өрсөлдөхөд нээлттэй болж байгаа ажээ.

BBC сувгаас мэдээлснээр энэ сарын эхэнд TikTok мөн дуу хөгжмийн стрийминг үйлчилгээг нэвтрүүлсэн бөгөөд Apple Music, Spotify зэрэг платформуудтай өрсөлдөх чадвартай болсон юм.

Тийнхүү шинэ талбарын ачаар өдгөө тус платформын хэрэглэгчид зураг нийтэлж, бичлэг оруулан бичвэр нийтлэх боломжтой болжээ.

Эх сурвалж: BBC