Өнгөрөгч даваа гарагаас Twitter компанийн ре-брэндингийн ажил эхэлсэн билээ. Улмаар платформын зүгээс веб хуудас, мобайлынхаа логог сольж, өөрсдийн бүртгэлийн зургийг ч хар дэвсгэр дээрх цагаан X тэмдгээр сольсон юм. Тэгвэл ре-брэндинг хийх явцын дунд тэд Сан Франциско хот дахь төв оффисынхоо логог буулгаж байхад цагдаа нар тэднийг зогсоожээ.
Тодруулбал, логог буулгах ажлын хүрээнд ажилчид Twitter гэх үгийн эхний таван үсгийг буулгаад байхад цагдаа нар ирсэн байна. Хэвлэлийнхний мэдээлснээр цагдаа нар ирэх болсон шалтгаан нь ноён Маск логог буулгахад шаардлагатай зөвшөөрлийг аваагүй гэсэн юм. Гэвч цагдаа нарын хэлснээр ажлыг тасалдуулсан нь бүхэлдээ үл ойлголцлоос үүдэлтэй гэжээ.
Хэдий цагдаа нарын зүгээс ажлыг үргэлжлүүлж болно хэмээсэн ч логог буулгах ажлыг тэр чигт нь үлдээсэн байна. Улмаар логог буулгах ажил үргэлжлэх эсэх нь тодорхойгүй байгаа ажээ.
Эх сурвалж: BBC