Даваа гарагт Ройтерс агентлагаас мэдээлснээр Tesla компани ХБНГУ-ын Берлин хотын ойролцоох үйлдвэртээ 25,000 еврогийн автомашин бүтээхээр төлөвлөж байна гэжээ. Тэдний тайлбарласнаар энэхүү төлөвлөгөө нь цахилгаан автомашиныг олон нийтийн хэрэглээ болгоход чиглэсэн гэсэн юм.
Гэвч Ройтерс агентлагийн эх сурвалжийн зүгээс тухайн автомашины үйлдвэрлэл яг хэзээ эхлэхийг тодорхой мэдээлээгүй байна.
Үйл явдлын хүрээнд Ройтерс агентлаг Tesla компаниас тайлбар авах гэсэн ч тэдний зүгээс ямар нэг мэдэгдэл хийхээс татгалзсан гэнэ.
Гэсэн хэдий ч уг мэдээлэл олон нийтэд хүрсэн даруй Tesla компанийн нэгж хувьцааны үнэлгээ 3 хувиар өссөн байна.
Эх сурвалж: The Reuters