Twitter компани энэ долоо хоногийн даваа гарагаас ре-брэндинг хийх ажлаа эхлүүлсэн билээ. Улмаар Twitter платформ логогоо сольж, байгууллага доторх цэнхэр шувууны логонуудаа ч буулгаж, албан бүртгэлээ ч @x өргөтгөлтэй болгон сольсон юм.

Тэгвэл баасан гарагийн өглөө ноён Маскийн мэдэгдсэнээр тус платформ удахгүй хар дэвсгэртэй болно гэжээ. Түүний бичсэнээр, “энэ платформ удахгүй зөвхөн “хар дэвсгэртэй” болно. Энэ нь хамаагүй дээр шүү дээ” гэсэн юм.

Түүнийг ийн бичсэний дараахан хүмүүс хар дэвсгэр дээр цагаан өнгийн текст байх нь уншихад төвөгтэй байдгийг дурдсан байна. Тийнхүү олон нийтийн зүгээс платформын дефолтыг хар дэвсгэртэй болгож, хэрэглэгчид өөрсдөө хүсвэл дэвсгэрийн өнгийг сольж болдог байхаар шийдэж өгөхийг хүсжээ.

Эх сурвалж: The Verge