Larry гэх цэнхэр шувууны логогоор олноо танигдсан Twitter компанийн гүйцэтгэх захирал Линда Яккариногийн даваа гарагт мэдэгдсэнээр тэд ре-брэндинг хийх болсон билээ. Улмаар тус компанийн эзэн Илон Маск өөрийн Twitter бүртгэлийн зургийг хар дэвсгэр дээрх цагаан X тэмдгээр сольж, өөрийн тухай талбар дээр “X.com” гэх өргөтгөлийг оруулаад байсан юм.

Тэгвэл мягмар гарагт тус платформын веб хуудаст хандахад цэнхэр шувууг “X” тэмдгээр бүрэн сольжээ. Ингэснээр тус компанийн ре-брэндингийн ажлыг албан ёсоор эхэлжээ гэж үзэж байгаа юм.

Үйл явдлын хүрээнд ноён Маскийн мэдэгдсэнээр хэрэглэгчид одоогоос жиргэхийн оронд “x”-дэх бөгөөд пост бүхий бичвэрүүдийг жиргээ бус харин “x”-үүд хэмээн нэрлэнэ гэжээ.

Эх сурвалж: BBC