Disney кино компани үйл ажиллагаагаа тэлж стрийминг салбарт хүч үзэх болсон билээ. Тэгвэл лхагва гарагт BBC сувгаас мэдээлснээр тэд бизнесийн үйл ажиллагаагаа сэргээхийн тулд стрийминг үйлчилгээнийхээ хүрээнд сурталчилгаагаа нэмж, хэрэглэгчдэд санал болгодог багцуудынхаа төлбөрийг нэмэх болжээ.
Тэдний мэдэгдсэнээр Disney ирэх намраас АНУ-ын зах зээлд сурталчилгаа агуулаагүй багцынхаа төлбөрийг нэмж, арваннэгдүгээр сараас Канад, Европ, Их Британийн зах зээлд сурталчилгаа нэвтрүүлэх болсон юм.
Үүний гол шалтгаан нь тус кино компанийн бүтээлүүд олон улсын зах зээлд сул үзүүлэлттэй байгаа бөгөөд телевизийн сувгийн сурталчилгааны борлуулалт үлэмж хэмжээгээр буурсантай холбоотой ажээ. Гэсэн хэдий ч тус компанийн орлогыг нийтэд нь авч үзвэл, өнгөрөгч улиралд тэдний орлого 2022 оны мөн үеийн орлогоос 4 хувь өссөн үзүүлэлттэй байгаа юм.
Эх сурвалж: BBC