Wegovy, Ozempic зэрэг тураах үйлчилгээтэй тариаг үйлдвэрлэн нийлүүлэгч Данийн эм, эм зүйн Novo Nordisk компанийн ашиг энэ оны эхний хагаст 43 хувиар өсжээ. Үүний шалтгаан нь олон нийтийн хүрээнд тураах үйлчилгээтэй тарианы эрэлт өндөр байгаатай холбоотой юм.
Тэдний тайлагнаснаар 2023 оны эхний хагаст тэд нийт 39.2 тэрбум кроны ашигтай ажилласан бөгөөд энэ нь тэдний өнгөрөгч оны мөн үеийн ашигтай харьцуулбал даруй 43 хувиар өссөн үзүүлэлт гэнэ. Учир нь тэд 2022 оны эхний хагаст 27.5 тэрбум кроны л ашигтай ажиллаж байжээ.
Тайлангийн хүрээнд компанийн удирдлагын хэлснээр тэд өмнөхөөсөө ч илүү олон өвчтөнд үйлчлэх болсон гэсэн юм.
Эх сурвалж: BBC