Мягмар гарагт Канадын Статистикийн газраас танилцуулсан тайлангаас үзвэл өнгөрөгч сард тус улсын инфляц 3.3 хувьд хүрч, эдийн засагчдын тооцож байснаас илүү өндөр үзүүлэлттэй гарчээ. Улмаар шинжээчдийн зүгээс Канадын Төв банкийг бодлогын хүүгээ дахин өсгөнө хэмээн таамаглах болсон байна.
Үйл явдлын хүрээнд Ройтерс агентлагаас мэдээлснээр өнгөрөгч сард Канад улс дахь хэрэглэгчийн үнийн индекс зургаадугаар сард бүртгэгдсэн үзүүлэлтээс 0.6 хувиар өссөн гэсэн юм. Энэ нь мөн л эдийн засагчдын таамгийг давсан ажээ.
Канадын Төв банкны хувьд сүүлд өнгөрөгч долоодугаар сард бодлогын хүүгээ өсгөсөн бөгөөд дараагийн уулзалтаар бодлогын хүүг өсгөх эсэхийг есдүгээр сарын нэгэнд танилцуулах тоон мэдээлэлд үндэслэнэ хэмээж байсан юм. Тийнхүү Канадын Төв банкнаас товлосноор мөнгөний бодлогын хүрээнд зохион байгуулах дараагийн хурал ирэх сарын зургааны өдөр болох гэнэ.
Эх сурвалж: The Reuters