ОХУ-ын батлан хамгаалахын хувийн компани болох Вагнер группын тэргүүн Евгений Пригожиний хувийн онгоц Оросын баруун хэсэгт осолдож, улмаар Пригожин амиа алджээ.
Вагнер группыг дэмжигч Telegram платформ дахь “Grayzone” суваг Пригожин онгоцны ослоор амь үрэгдсэн талаар мэдэгдсэн байна.
Оросын гамшгаас хамгаалах албаныхан Москва-Санкт-Петербург чиглэлд явж байсан “Embraer Legacy” онгоц Тверь мужийн Кузенкино орчимд осолдсон бөгөөд онгоцонд явсан 10 хүн бүгд нас барсан хэмээн мэдээлсэн юм.
Оросын нисэхийн удирдлагуудын зүгээс Пригожинийг зорчигчдын жагсаалтад байсан хэмээн баталж байгаа ч тэрээр үнэхээр уг онгоцонд байсан эсэх нь тодорхойгүй байна. Тиймээс түүнийг одоогоор амьд эсвэл нас нөгчсөн гэдгийг баттай тодорхойлох боломжгүй.
“Grayzone” Телеграм суваг нь ОХУ-ын эрх баригчдын энэхүү мэдэгдлийн дараахан тус онгоцыг Оросын агаарын довтолгооноос хамгаалах хүчин сөнөөсөн хэмээн онцлон тэмдэглэжээ.
Эх сурвалж: YTN