7 удаагийн Супер Боулийн аварга, америк хөлбөмбөгийн тамирчин асан Том Брэди Дельта Эйрлайнс авиакомпанид ажиллах болжээ. Энэ талаар Дельта Эйрлайнс авиакомпани лхагва гарагт олон нийтэд хандан хийсэн мэдэгдэлдээ өгүүлсэн байна.
Тэдний мэдэгдсэн дагуу ноён Брэди тус компанид “стратегийн зөвлөх” гэсэн албыг хаших бөгөөд дотоод сургалт, сурталчилгааны компанит ажлуудад зөвлөх үүрэг гүйцэтгэх юм. Үүнээс гадна Том Брэди Дельта Эйрлайнсын 90,000 гаруй ажилтнуудын хамтын ажиллагаа, холбоо харилцааг сайжруулахад анхаарал хандуулах гэнэ.
Үйл явдлын хүрээнд хөдөлмөрийн зах зээлийн шинжээчдийн хэлж байгаагаар Дельта Эйрлайнсын зүгээс Том Брэдитэй хамтрахдаа түүнийг дан ганц брэнд төлөөлөгчөөс илүү үүрэг оролцоотойгоор ажиллуулахыг хүсэж байгаа бололтой гэсэн юм.
Эх сурвалж: CNN
1000