Даваа гарагт Microsoft компанийн гүйцэтгэх захирал Сатя Наделлагийн мэдэгдсэнээр саяхан ажлаасаа халагдсан OpenAI компанийн гүйцэтгэх захирал асан Сэм Альтман тэдний шинэ, дэвшилтэт хиймэл оюун ухааны багийг удирдана гэжээ.
Энэ талаар тэр өөрийн Твиттер(X) хуудаснаа мэдэгдсэн байна. Мөн түүний хэлснээр ноён Альтманы хамтаар түүнтэй цуг ажиллаж байсан хүмүүс хийгээд OpenAI компанийн ерөнхийлөгч асан Грег Брокман ч цуг ажиллана гэсэн юм.
Улмаар ноён Альтманы зүгээс ч түүний постыг давтан нийтэлсэн бөгөөд “Даалгавар үргэлжилнэ” хэмээн бичжээ.
Харин бидний урьд мэдээлснээр ноён Альтманы OpenAI компанид хашиж байсан албыг Twitch платформын үүсгэн байгуулагч, гүйцэтгэх захирал Эмметт Шир хүлээн авч байгаа билээ.
Эх сурвалж: CNBC