Мягмар гарагт Газрын тос Экспортлогч Орнуудын Байгууллагын ерөнхий нарийн бичиг Хайтам Аль Гаисын BBC сувагт хандан хэлснээр олон улсад эрчим хүчний эрэлт нэмэгдэх тусам газрын тосны үнэ өссөөр байх болно гэжээ.
Түүний хэлсэн дагуу олон улсын зах зээлд газрын тосны эрэлт өдөрт 2.4 сая баррелиар өсөж байгаа ч Саудын Араб болон ОХУ газрын тосны үнийг нэмэгдүүлэхийн тулд сайн дураараа олборлолтоо бууруулах шийдвэр гаргаад байгаа билээ.
Үйл явдлын хүрээнд ноён Аль Гаисын хэлснээр, “Энэ бол ОХУ болон Саудын Арабын зүгээс бие даан гаргасан шийдвэр. Олборлолтыг хэдий хэр хугацаанд танах нь тодорхойгүй байгаагаас үзвэл энэ шийдвэрийг “урьдчилан сэргийлэх” шинжтэй шийдвэр гэж тодорхойлж болно” гэжээ.
Мягмар гараг гэхэд олон улсын зах зээлд Брент Крюдийн нэг баррель газрын тосны үнэ 95 ам.долларт хүрээд байгаа юм. Гэвч улс орнуудын олборлолтоо танах шийдвэрээс үүдэн нэг баррель газрын тосны үнэ 100 ам.долларт хүрэх нь цаг хугацааны асуудал болоод байна.
Эх сурвалж: BBC