Пүрэв гарагт BBC сувгаас мэдээлснээр Их Британи улс дахь хэрэглэгчийн үнийн индекс өндөр түвшинд байсаар байгаа тул тус улсын төв банк бодлогын хүүгээ өсгөх төлөвтэй байна гэжээ.

Их Британи улс дахь хэрэглэгчийн үнийн индексийн хувьд өнгөрөгч тавдугаар сард 8.7 хувьтай бүртгэгдсэн байна. Энэ нь өнгөрөгч дөрөвдүгээр сарын үзүүлэлтээс огт буугаагүй үзүүлэлт юм.

Эдийн засагчдын тайлбарлаж байгаагаар инфляцын түвшинд нөлөөлсөн гол хүчин зүйл нь нислэгийн тийз болоод хуучин автомашины үнэ өссөн явдал гэнэ.

Английн төв банкнаас инфляцын түвшнийг 2 хувьтай хадгалахаар хичээж байгаа ч тийнхүү инфляц буурахгүй байгаа тул пүрэв гарагийн хуралдаанаар бодлогын хүүгээ дахин өсгөх магадлал өндөр ажээ. Олон нийтийн зүгээс таамаглаж байгаагаар Английн төв банк бодлогын хүүгээ 25 суурь нэгжээр дахин нэмэгдүүлж, 5 бүхэлд хүргэх юм.

Эх сурвалж: BBC