АНУ-ын ерөнхийлөгч Жо Байден зэрэг зэрэг дайны нөхцөл байдалд буй дэлхийн өнөөгийн дүр зургийг түүхэн эргэлтийн цэг гэж тодорхойлоод Израиль болон Украинд аюулгүй байдлын яаралтай дэмжлэг үзүүлэх хүсэлтийг Конгресст гаргажээ.
Цагаан ордны зүгээс орон нутгийн цагаар 20-ны өдөр Конгресст илгээсэн захидалдаа Украинд 61 тэрбум ам.доллар, Израильд 14 тэрбум ам.долларын тусламж үзүүлэх нийт 105 тэрбум ам.долларын аюулгүй байдлын төсвийн багцыг хүссэн байна.
Гэвч АНУ-ын Төлөөлөгчдийн танхим тус танхимын дарга асан Кевин Маккартиг огцруулснаас хойш түүний албан тушаалд очих дараагийн хүнийг сонгоход багагүй хүндрэлтэй тулгарч байгаа юм. Тиймээс Цагаан ордны зүгээс хүссэн энэхүү төсвийг Конгрессоор хэзээ хэлэлцэж, хэзээ батлах эсэх нь тодорхойгүй байгаа аж.
Ерөнхийлөгч Жо Байден өмнөх өдөр нь ард түмэндээ хандан үг хэлэхдээ “Бид одоо түүхэн эргэлтийн цэг дээр байна. Израиль болон Украин ялах нь Америкийн үндэсний аюулгүй байдалд чухал ач холбогдолтой" гэж цохон тэмдэглэсэн байна. Тэрээр үргэлжлүүлэн “Бид Хамас шиг террористууд болон Путин шиг дарангуйлагчийг ялахыг хэрхэвч зөвшөөрч болохгүй” хэмээн Украин болон Израильд тусламж үзүүлэх энэхүү төлөвлөгөөгөө урьдчилан зарласан билээ.
Эх сурвалж: YTN