Мягмар гарагт Carlsberg компанийн гүйцэтгэх захирал Жэйкоб Ааруп-Андерсений мэдэгдсэнээр ОХУ тэдний бизнесийг булаасан гэжээ.
Данийн шар айргийн Carlsberg компанийн хувьд өнгөрөгч оноос хойш ОХУ дахь Балтика охин компаниа зарахаар оролдож, эцэст нь бизнесээ худалдах хуулийн этгээд олоход ерөнхийлөгч Владимир Путины зүгээс тэдний хувьцааг түр хураах шийдвэр гаргасан байна.
Тодруулбал, өнгөрөгч онд ОХУ Украины нутаг дэвсгэрт цэргийн тусгай явуулж эхлэхэд барууны компаниуд тус улсын нутаг дэвсгэрийг орхиж эхлэхэд Carlsberg компани ч ижил шийдвэр гаргаж, ОХУ дахь тэдний бизнесийг худалдан авах хуулийн этгээдийг хайж эхэлсэн бөгөөд энэ оны зургаадугаар сард л тэдний бизнесийг худалдан авах этгээдийг олжээ. Гэвч талууд худалдах, худалдан авах тохиролцоонд хүрснээс хойш нэг сарын дараа ерөнхийлөгч Владимир Путин гэнэтийн тушаал гаргаж, тэдний ОХУ дахь хувьцааг түр хугацаанд хураасан юм.
Улмаар мягмар гарагт тус компанийн гүйцэтгэх захирал ноён Ааруп-Андерсений хэлснээр, “Тэд манай ОХУ дахь бизнесийг хулгайлсан гэх баримтаас булзах газар үгүй. Мөн бид тэднийг эл үйлдлээ хууль ёсны мэтээр харагдуулахад туслахгүй” гэжээ.
Эх сурвалж: The Reuters