Саяхан “The Family Vacation Guide” гэх аяллын талаарх мэдээ мэдээлэл нийтэлдэг веб хуудаснаас гэр бүлээрээ зорчиход хамгийн таатай агаарын тээврийн компаниудыг жагсаажээ.

Жагсаалтын хүрээнд тэд агаарын тээврийн нийт 34 компанийг нэрлэж, зорчигчдоос санал хураасан бөгөөд зорчигчдын зүгээс агаарын тээврийн компаниудыг нийт 8 хүчин зүйлээр үнэлж, хамгийн ихдээ 18 оноо өгөх байжээ. Улмаар жагсаалтыг Азийн агаарын тээврийн компаниуд давамгайлсан байна. Тодруулбал, тус жагсаалтын эхний 11 байрт жагссан агаарын тээврийн компаниудын найм нь Ази тивд бүртгэлтэй байсан юм.

Жагсаалттай дэлгэрэнгүй танилцваас, нэгдүгээр байранд Японы Japan Airlines авиакомпани бичигдсэн байна. Тэд нийт 18 оноо авахаас 15 оноо авчээ. CNBC сувгаас тайлбарласнаас тэд 3 оноог “бага насны хүүхдээ өвөр дээрээ авч зорчих төлбөр”-өөс үүдэн алдсан гэнэ.

Харин тэдний араас Солонгосын Korean Air, Хятадын Hainan Airlines хоёул 14 оноотойгоор хоёр, гуравдугаар байранд бичигдэж, Австралийн Qantas авиакомпани удаалжээ.

Эх сурвалж: CNBC