Лхагва гарагт Бразилын НҮБ-ын дэргэд суугаа байнгын төлөөлөгчийн газраас мэдээлснээр НҮБ-ын Аюулгүйн Зөвлөл өнөөдөр буюу арваннэгдүгээр сарын 8-ы өдөр “Норд Стрим” хийн хоолойн дэлбэрэлтийн тухай хаалттай хуралдана гэжээ.

Тэдний мэдэгдсэнээр, “ОХУ-ын хүсэлтээр “Норд Стрим” хийн хоолойн асуудлуудын хүрээнд хаалттай хуралдаан зохион байгуулна” гэсэн юм.

Улмаар НҮБ-ын Аюулгүйн Зөвлөл лхагва гарагт Украин улс дахь асуудлын хүрээнд нээлттэй хуралдсаны дараагаар тус хаалттай хуралдааныг зохион байгуулах болжээ. Хуралдаан ОХУ-ын цагаар орой 23:00 цагт эхлэх гэнэ.

Эргэн сануулахад, өнгөрөгч оны есдүгээр сарын 27-ы өдөр Норд Стрим хийн шугамын 4 хоолой зэрэг дэлбэрч, их хэмжээний хохирол учирсан ч мөрдөн шалгах ажиллагааны дүнд хэрэгтнийг олоогүй юм. Тийнхүү хэргийн хүрээнд АНУ-ын талаас ОХУ-ыг буруутгаж, өөрсдийн хийн шугамыг дэлбэлсэн гэсэн бол ОХУ-ын АНУ, Украиныг буруутгаж байгаа билээ.

Эх сурвалж: ТАСС