Өнгөрөгч сарын сүүлээр Словак улсад ерөнхий сайдын сонгууль зохион байгуулагдаж, Оросыг дэмжигч Роберт Фико гэх эрхэм ялалт байгуулсан билээ. Тэгвэл лхагва гарагт засгийн эрхэнд гарсан ноён Фико эвслийн засгийн газар байгуулахаар зөвшөөрчээ.
BBC агентлагаас мэдээлснээр Роберт Фико эвсэлийн засгийн газрыг зүүн төвийн Хлас болон националист SNS намуудтай байгуулсан байна. Улмаар гурван нам нийлэн засгийн газрын нийт 150 суудлын 79 суудлыг авах ажээ. Гэсэн хэдий ч эвслийн засгийн газрын хүрээнд аль нам хэчнээн суудалтай байх нь одоогоор тодорхойгүй байгаа юм.
Ноён Роберт Фикогийн өрсөлдсөн Smer-SSD намын хувьд сонгуульд өрсөлдөхдөө засгийн эрхэнд гарах аваас Украин улсад цэргийн тусламж үзүүлэхээ зогсоох ч Оросыг дэмжигч байр суурьтай байхгүй хэмээж байсан билээ. Уг мэдэгдлийн хүрээнд Роберт Фико ч, “Смер нам засгийн эрхэнд гарвал бид Украин улсад дахин нэг сум ч илгээхгүй” гэсэн юм.
Эх сурвалж: BBC