Лхагва гарагт ТАСС мэдээллийн агентлагаас мэдээлснээр олон улсын зах зээлд газрын тосны үнэ унажээ. Улмаар Брент Крюдийн нэг баррель газрын тосны нэгдүгээр сарын фьючерсийн үнэ 81 ам.доллароос буурсан байна. Энэ нь өнгөрөгч долоодугаар сарын 24-ий өдрөөс хойш бүртгэгдэж буй хамгийн сул үзүүлэлт юм.
Тийнхүү Москвагийн цагаар 13:14 минутад Брент Крюдийн нэг баррель газрын тосны үнэ 80.97 ам.долларт хүрсэн байна.
Харин Уэст Техас Интермедиатын нэг баррель газрын тосны нэгдүгээр сарын фьючерсийн үнэ даруй 76.79 ам.долларт хүрчээ.
Эх сурвалж: ТАСС