Сүүлийн 24 цагийн хугацаанд биткоины ханш 4 хувиар өсөж, нэгж биткоины үнэлгээ 36,000 ам.долларыг давжээ. Улмаар Улаанбаатарын цагаар 17:30 минутад нэгж биткоины үнэлгээ 36,745.53 ам.долларт хэлбэлзэж байна. Энэ нь биткоины ханшийн хувьд 2022 оны тавдугаар сараас хойш 36,000 ам.долларыг давж буй анхны тохиолдол билээ.
Тийнхүү биткоины ханш өсөхөд уг коины ханшийг даган хэлбэлздэг бусад коины ханш ч өссөн байна. Тодруулбал, нэгж эфериумын ханш л гэхэд сүүлийн 24 цагийн хугацаанд 2 орчим хувиар өсөж, Улаанбаатарын цагаар 17:35 минутад 1,911.52 ам.долларт хэлбэлзэж байв.
Үйл явдлын хүрээнд шинжээчдийн зүгээс энэ оны сүүл гэхэд нэгж биткоины ханшийг 36,000 ам.долларыг хол давна гэж таамаглажээ.
Эх сурвалж: ТАСС