Ройтерс агентлагийн орон нутгийн цагаар 7-ны өдөр мэдээлснээр, өвөл эхэлж буй энэ үетэй давхцан Оросын армийн агаарын дайралтаас болж Украины эрчим хүчний дэд бүтцэд томоохон хохирол учирсан талаар онцлов.
Тодруулбал Украины Эрчим хүчний яам мөн өдөр хийсэн мэдэгдэлдээ “Фронтын шугамын ойролцоох дулааны цахилгаан станцуудын нэг халдлагад өртөөд байна. Бидний зүгээс эрчим хүчээ хэмнэлттэй ашиглахыг оршин суугчдад уриалсан” хэмээн дурджээ.
Өнгөрсөн сард Украины ерөнхийлөгч Володимир Зеленський хэлэхдээ “Дайснууд манай дэд бүтэц рүү чиглэсэн нисгэгчгүй нисэх төхөөрөмж болон пуужингийн довтолгооны тоог нэмэгдүүлэх эрсдэл нэмэгдэж буй тул бид үүнд бэлтгэлтэй байх ёстой” хэмээн өвлийн улиралд дэд бүтцийг онилсон довтолгоо эрчимжих талаар анхааруулж байсан билээ.
Өнгөрсөн өвөл ч гэсэн Оросын арми цас бороо орсны улмаас шавар шавхай нэмэгдэн хуурай замын цэргүүд урагшлахад хүндрэлтэй болох үетэй зэрэгцэн Украины дэд бүтцэд агаараас эрчимтэй цохилт өгсөн нь тус улсын эдийн засагт хүнд цохилт болж байсан юм.
Эх сурвалж: MBC