Их Британийн ерөнхий сайд Риши Сунак орон нутгийн цагаар 12-ны өдөр Украины нийслэл Киев хотноо гэнэтийн айлчлал хийж, их хэмжээний цэргийн дэмжлэг үзүүлэхээр төлөвлөж байгаагаа зарлав.
BBC агентлагийн мэдээлснээр, Их Британийн ерөнхий сайд Сунак энэ онд Украинд 2.5 тэрбум фунт стерлингийн цэргийн тусламж үзүүлэхээ амласан байна.
Их Британийн ерөнхий сайдын албанаас "Их Британи улсын зүгээс мэдээллийн солилцоо, кибер аюулгүй байдал, эмнэлгийн болон цэргийн сургалт, батлан хамгаалах салбарын хамтын ажиллагаанд ашиглагдах зэвсэг техникийг Украины аюулгүй байдлыг хангах үүднээс албан ёсоор дэмжлэг болгон өгөх болно” хэмээн дурдав.
Ерөнхий сайд Сунак Украины ерөнхийлөгч Зеленськийтэй хийсэн хамтарсан хэвлэлийн бага хурал дээр "Хэрэв бид ганхвал Путин болон түүний холбоотнууд болох Умард Солонгос, Ираны урам зоригийг бадраах болно” хэмээн онцолжээ.
Эх сурвалж: MBC