Германы спорт хувцас хэрэглэлийн Adidas брэнд Манчестер Юнайтед клубтэй 1.2 тэрбумын түншлэлийн гэрээ байгуулжээ. Гэрээний хүчинтэй хугацаа нь 10 орчим жил гэнэ.
Манчестер Юнайтед клубийн хувьд 2015 онд Nike брэндтэй хамтран ажиллахаа зогсоосон бөгөөд тухайн үеэс Adidas брэндтэй хамтарч, тэд клубийн гишүүдийн хувцас хэрэглэлийг үйлдвэрлэх болсон билээ.
Тэгвэл гэрээг шинэчлэн байгуулахтай зэрэгцэн Манчестер Юнайтед клубээс мэдэгдсэнээр шинэ гэрээний хүрээнд тэд клубийн эмэгтэй багийн хувцас хэрэглэлд хандуулах анхаарлаа ихэсгэнэ гэсэн юм.
Харин Adidas брэндийн гүйцэтгэх захирал Бторн Гулдены хэлснээр, “Бидний зүгээс Манчестер Юнайтед клубтэй байгуулсан гэрээгээ сунгаж байгаагаа дуулгахад туйлын бахдалтай байна. Adidas болон Манчестер Юнайтед брэндүүд нь олон улсын хөл бөмбөгийн салбар дахь хамгийн чухал брэндүүдийн нэг. Тиймээс ч энэ хоёр том брэнд хамтын ажиллагаагаа үргэлжлүүлэх болж байгаа нь зүй ёсны хэрэг” гэжээ.
Эх сурвалж: CNN