Судалгаагаар Европын жижиг дунд аж ахуй нэгжүүд ур чадвартай ажилтнуудын хомсдолд орсон гэсэн дүгнэлт гарчээ.
“Европын ур чадварын жил” гэх уг судалгааг Европын Комиссоос хийсэн бөгөөд тэдний дүгнэснээр жижиг дунд аж ахуй нэгж амжилттай үйл ажиллагаа явуулахад тусалдаг гол түлхүүр нь ур чадвартай ажилтнууд гэсэн байна. Улмаар судалгаанд хамрагдсан жижиг дунд аж ахуй нэгжүүдийн 95 хувь нь эл байр суурийг дэмжжээ.
Гэвч судалгааны дүнд Европ тивд үйл ажиллагаа явуулдаг жижиг дунд аж ахуй нэгжүүдийн 74 хувь нь дор хаяж нэг орон тоонд ур чадвартай ажилтнаар дутдаг болохыг тогтоосон байна. Мөн 5 жижиг дунд аж ахуй нэгжийн дөрөв нь тухайн ажлын байранд тохирох ур чадвартай хүнийг олоход хүндрэл тулгардаг хэмээжээ. Харин судалгаанд хамрагдагсдын тал гаруй хувь нь ур чадвартаа ажилтнаа авч үлдэхэд хүндрэлтэй байдаг гэсэн юм.
Эх сурвалж: European Commission