Он гарснаас хойш Боинг компанийг тойрсон олон асуудал урган гарч, компанийн нэр хүндэд сөргөөр нөлөөлөх болсон билээ. Тэгвэл өнгөрөгч долоо хоногт агаарын тээврийн үйлчилгээгээрээ дэлхийд тэргүүлэгч компаниудын нэг болох Эмиратс Эйрлайн авиакомпанийн ерөнхийлөгч Тим Кларк Боинг компанид зөвлөгөө өгчээ.
Түүний хэлснээр, Боинг компани өдгөө үүсээд буй нөхцөл байдлаас гарахыг хүсэж байвал инженерүүдээр удирдуулах хэрэгтэй гэсэн байна.
Ноён Кларкийн ийн зөвлөх болсон шалтгаан нь өнгөрөгч долоо хоногийн даваа гарагт Боинг компанийн гүйцэтгэх захирал Дэйв Калхоун энэ оны сүүлээр албан тушаалаа хүлээлгэн өгнө гэж мэдэгдсэнтэй холбоотой юм.
Гэсэн хэдий ч тус компанийн удирдлагын баг дахь цорын ганц инженер суурьтай удирдлага болох Стэн Дийл ажлаа хүлээлгэн өгөхөө мэдэгдэхэд Боинг компаниас мэдэгдсэнээр түүнийг одоогийн үйл ажиллагаа хариуцсан захирал Стефани Поп залгамжилна гэжээ.
Эх сурвалж: CNBC