Он гараад дөнгөж тав хонож байхад Аляска Эйрлайнс авиакомпанийн Боинг агаарын хөлгийн хаалга газраас 5 километрийн өндөрт хөөрсөн байхад салж унасан осол гарсан билээ. Тэгвэл ослын хүрээнд Боинг компани урьдчилсан байдлаар тус авиакомпанид 160 сая ам.долларын нөхөн төлбөр өгөх болжээ.
Энэхүү мөнгөн дүнг Аляска Эйрлайнс авиакомпанийн зүгээс тооцож гаргасан бөгөөд тэдний хэлж байгаагаар ослоос үүдэн тэд өнгөрөгч улиралд төдий хэмжээний хохирол амссан гэсэн юм.
Гэвч авиакомпаниас найдаж байгаагаар нөхөн төлбөрийн асуудал үүгээр эцэслэгдэхгүй гэнэ. Тодруулбал, Аляска Эйрлайнс авиакомпанийн тооцож байгаагаар агаарын хөлгийн хаалга салсан асуудлын хүрээнд Боинг компаниас авах тэдний нөхөн төлбөр 160 сая ам.доллароос ч их байх ажээ. Учир нь эл асуудал дан ганц тэдний ашигт нөлөөлөөд зогсохгүй компанийн хэвийн үйл ажиллагааг доголдуулж, боломжит зорчигчдын тоог буурахад нөлөөлсөн гэнэ. Тэдний ийн мэдэгдэх болсон шалтгаан нь бидний өмнө мэдээлж байсанчлан зорчигчдын зүгээс Боинг компанийн агаарын хөлгөөр зорчихоос татгалзах болсонтой холбоотой юм.
Эх сурвалж: Fox Business