Британийн алдарт кино жүжигчин, өдгөө 85 настай сэр Иан Маккеллен энэ сарын 7-д хэвлэгдсэн "Таймс оф Лондон" сонинд ярилцлага өгөхдөө “Амьд л байж чадвал Гандалфын дүрийг дахиад хэзээ ч бүтээхэд бэлэн” гэдгээ хэлжээ.

Агуу зохиолч, хэл шинжээч Ж.Р.Р.Толкины алдарт "Бөгжний эзэн" зохиолоор гурван ангит уран сайхны кино бүтээн алдаршсан найруулагч Питер Жэксон Голлумын дүрийг бүтээсэн жүжигчин Энди Сэркистэй хамтран “Бөгжний эзэн: Голлумын эрэлд” шинэ бүтээл 2026 онд нээхээр төлөвлөсөн билээ.

Варнер Брос компанийн тавдугаар сарын 9-нд мэдээлснээр 60 настай Серкис тус кинонд Голлумынхаа дүрийг бүтээгээд зогсохгүй давхар найруулагчийн үүрэг гүйцэтгэж, 62 настай Жэксон продюсераар мөн оролцож байгаа гэнэ.

Харин жүжигчин Иан Маккеллен дээрх кино болон Нью Лаян синемагийн бүтээх Дундад газаратй холбоотой өөр нэгэн бүтээл, Амазоны үргэлжлүүлэн гаргаж буй "Идэт Бэлзгүүд"-ийн дараагийн бүлэг, түүгээр зогсохгүй анимэ маягаар бүтээгдэж буй "Бөгжний эзэн: Рохирын дайн" гээд бүгдийг нь мэдэж, анхааралтай ажиглаж байгаа гэнэ.

Гэхдээ одоогийн байдлаар түүнд ямар ч зохиол ирээгүй, санал ирээгүй, төлөвлөгөө байхгүй байгаа аж. Гэхдээ тэрээр шидтэнийхээ дүрийг дахин бүтээж юуны магад гэж бодоод сүүлийн хэдэн сар сахлаа хусаагүй байгаагаа хошигнон ярьжээ.

Эх сурвалж: PEOPLE